Að jafna hús við jörðu...

Skepnuskapur ísraelskra yfirvalda gagnvart palestínskum almenningi heldur áfram. Fróðlegt væri að vita hvernig fasteignamarkaðurinn starfar þarna. Ef til vill geta þeir sem telja sig vini Ísraels skýrt út lánamöguleika og reglur um veð varðandi kaup á húsnæði þarna suðurfrá. Ég á erfitt með að sjá að bankar veiti palestínskum íbúum Ísraels fasteignalán eða tryggingafélög selji þeim fasteigna eða innbústryggingar...

Nýbyggingarframkvæmdir í A-Jerúsalem

Að gefa réttarríkinu langt nef

Í dag birtist í Lesbók Morgunblaðsins umfjöllun Karls Blöndals um bókina A Question of Torture: CIA Interrogation from the Cold War to the War on Terror. Eins og titillinn gefur til kynna, og sýnt er ýtarlega fram á í bókinni, hafa bandarísk stjórnvöld staðið fyrir pyntingum áratugum saman. Höfundur bókarinnar er Alfred W. McCoy er prófessor í sögu við Wisconsin-Madison háskólann. McCoy er þekktastur fyrir að hafa skrifað bókina The Politics of Heroin in Southeast Asia en þar rekur hann m.a. tengsl CIA við dreifingu fíkniefna.

Ætla að birta myndir af pyntingum

Dómsmorð

Ticking Bomb rökin hafa lengi verið notuð til að réttlæta pyntingar og jafn lengi hefur verið sýnt fram á fánýti þessara raka. Það blasir við að aldrei áttu rökin við um þá sem pyntaðir voru í Guantanamo því þeir höfðu verið í haldi vikum, mánuðum eða árum saman áður en þeir voru fluttir til Kúbu. Til að gera langa sögu stutta þá er ein afleiðing pyntinga á sakborningi að dómur yfir honum verður ávallt dómsmorð. Það er óhjákvæmileg niðurstaða þegar málarekstrinum er svo stórlega ábótavant: Í siðmenntuðum löndum felst lágmarks krafan m.a. í vítalausum málarekstri með sönnunarbyrði,  þar sem gert er ráð fyrir sakleysi ákærða þar til ákærandinn hefur sannað hið gagnstæða...

Rice samþykkti vatnspyntingar